شرح تفصيلى عن قارئ البصمه و كيف يعمل
بسم الله الرحمن الرحيم
قارئ البصمه دلوقتى مبقاش فيه شركة مبتعملش فى موبايلاتها قارئ لبصمة الإصبع ؛ دا حتى المؤسسات الحكومية بقى فيها الحضور و الانصراف بالبصمة.. أينعم الموظفين عندهم استعداد يكَدَّروك فى عيشتك و يوقفولك المراكب السايرة فى مقابل
إنهم "يبصموا" فى المعاد المحدد بس دا مش معناه إن الموضوع وحش لكنه دليل على إننا بقينا بنتعامل بالبصمة
فى كل حاجة تقريبا فى حياتنا
إنهم "يبصموا" فى المعاد المحدد بس دا مش معناه إن الموضوع وحش لكنه دليل على إننا بقينا بنتعامل بالبصمة
فى كل حاجة تقريبا فى حياتنا
-
طيب.. يا ترى إيه الفايدة من إنك تستخدم البصمة بتاعتك فى تأمين بياناتك أو تكدير موظفينك؟
أي واحد Hacker حاليا ممكن يخترق أي حاجة من بياناتك أ الـPasswords بتاعتك أو إيميلاتك أو الـPin
بتاع بطاقاتك الائتمانية.. أو أي حاجة توديك فى داهية عموما
بتاع بطاقاتك الائتمانية.. أو أي حاجة توديك فى داهية عموما
لكن ميقدرش إنه يخترق حاجة مربوطة ببصمتك لأن كل قارئ بصمة و له خوارزميات معينة لتخزين و استخدام البصمة بتاعتك، و من الصعب إن أي حد يوصل للخوارزميات دى و يفك شفرتها و يعملها Manipulation
(أو محاكاة) بحيث يضحك على الاسكانر و يخليه يوصله للبيانات
(أو محاكاة) بحيث يضحك على الاسكانر و يخليه يوصله للبيانات
--
(المقدمة اللى فاتت دى مفيش أي غرض منها إلا إنها تقولك إن استخدام بصمتك لتأمين البيانات يعتبر
طريقة آمنة عن أي حاجة تانية )
طريقة آمنة عن أي حاجة تانية )
لكن ياترى مستشعر البصمة دا.. بيشوف البصمة و بيتعرف عليها إزاى؟
--
مبدئيا كدة.. فى أنواع كتير من مستشعرات البصمة؛ أشهرهم اللى هقولهملك فيهم دول:
أولا: مستشعر البصمة البصري (أو النظري مثلا).. بص.. هو اسمه Optical و انت ترجمها زي ما انت عاوز
. - النوع دا من أقدم الأنواع اللى ممكن تستخدمها؛ و مع ذلك دا النوع الموجود ى المؤسسات
الحكومية و أبواب المكاتب و الحاجات دى
الحكومية و أبواب المكاتب و الحاجات دى
. - فكرة المستشعر دا هى إنه بيسلط شعاع ضوء على صباعك الكريم؛ و بعدين الطبيعي إن الضوء دا ينعكس
يروح مستقبله على عدسة، و يبدأ يحلل الضوء دا و يشوف الأماكن الفاتحة (الارتفاعات) و الأماكن الأقل فتحانًا
(الانخفاضات اللى فى بصمة صباعك).. يعنى إيه "فتحانًا" دى؟
(الانخفاضات اللى فى بصمة صباعك).. يعنى إيه "فتحانًا" دى؟
. - المهم إن الجهاز دا قديم لدرجة تخليه ينافس المِشّ على المركز الأول فى قايمة الاختراعات اللى ليها لازمة فى التاريخ
. - المستشعر دا سبب إنه لسة موجود لغاية دلوقتى هو إنه رخيص و سهل الإنتاج جدا؛ كمان المفروض
إن ليه Resolution زي الكاميرا بالظبط.. لا بص.. هو كاميرا بتصور بصمتك؛ لذلك كل ما كانت الدقة دى أكبر،
كل ما كان المستشعر دا أفضل و أكفأ
إن ليه Resolution زي الكاميرا بالظبط.. لا بص.. هو كاميرا بتصور بصمتك؛ لذلك كل ما كانت الدقة دى أكبر،
كل ما كان المستشعر دا أفضل و أكفأ
-
الـScanner دا له شوية عيوب بسيطة كدة
. - أولها إنه كبير و مبألظ فبالتالى صعب يستخدموه فى الأجهزة الصغيرة زي الموبايل و اللابتوب
. - تانى حاجة إنه بدائي لدرجة تسمح باستعباطه بسهولة
لأن المستشعر دا عبارة عن كاميرا معدلة.. إلا إنه فى الأول و فى الآخر كاميرا يعنى بالتالى بيلقط
صور ثنائية الأبعاد للبصمة (طول و عرض) و دا اللى بيخلى من السهل جدا خداعه بمجرد إنك تديله صورة
للبصمة الل انت عاوز تستخدمها و هو هيتعامل معاها على إنها بصمة حقيقية عادى جدا حمار بعيد عنك
صور ثنائية الأبعاد للبصمة (طول و عرض) و دا اللى بيخلى من السهل جدا خداعه بمجرد إنك تديله صورة
للبصمة الل انت عاوز تستخدمها و هو هيتعامل معاها على إنها بصمة حقيقية عادى جدا حمار بعيد عنك
. - معظم المستشعرات دى بتخزن البصمة فى اتجاه واحد بس؛ و بالتالى لازم تتعامل معاها
من نفس الزاوية بالظبط علشان تشتغل
من نفس الزاوية بالظبط علشان تشتغل
. - بتنور
كونها بتنور دا بيخليها غبية شويتين، و مش دقيقة شوية لأنها بتتلخبط من أي إضاءة خارجية و بتأثر على دقتها..
لذلك لازم تقفل مكان المستشعر بالكامل بسبعك علشان بصمتك تتشاف زي الناس
لذلك لازم تقفل مكان المستشعر بالكامل بسبعك علشان بصمتك تتشاف زي الناس
-------
النوع التانى من المستشعرات هو النوع الـCapacitive (أو السِّعَوي)
دا النوع المنتسر فى معظم الموبايلات دلوقتى؛ و فكرته إنه عبارة عن عدد كبير جدا من المكثفات الكهربية
الصغيرة جدا جدا، و اللى بتستقبل إشارات لما بتوصل بينها بأي حاجة موصل للكهربا (زي جلد الإنسان مثلا؟ )
الصغيرة جدا جدا، و اللى بتستقبل إشارات لما بتوصل بينها بأي حاجة موصل للكهربا (زي جلد الإنسان مثلا؟ )
الفكرة بقى إن المكثفات دى بتوصل الكهربا فى الأماكن اللى فيها بروز أو ارتفاعات البصمة، و مبتوصلش
ببعضها فى أماكن الانخفاضات اللى فى البصمة
ببعضها فى أماكن الانخفاضات اللى فى البصمة
و بالتالى بتقدر بسهولة إنك تخزن البصمة و تدخلها من غير مشاكل
--
مميزات المستشعر دا كتير:
. - أولها إنه صغير جدا فى الحجم، و دا خلاه منتشر جدا فى الموبايلات
. - كمان دقته أكبر من المستشعر اللى فات بكتير، و صعب تضحك عليه لأنه بيعتمد على تضاريس البصمة، و دى صعب جدا تقلدها إلا لو كنت محمود مختار فى نفسك و تنحتها بقى
. - موفرة للطاقة بشكل كبير؛ و دا لأنها لا بتنور ولا بتشتغل 24 ساعة ولا الكلام دا كله
مجرد إنك تحط صباعك الكريم على المستشعر بيبدأ يشتغل و يقرأ البصمة و دنيتك تمام التمام
غير كدة بتكون المكثفات دى فيها شحنات لكن ميتمشيش؛ و بالتالى مفيش أي استهلاك للطاقة طول ما انت مبتستخدمهاش
. - أنواع كتير منه ممكن تقرأ البصمة من أي زاوية؛ و دا بيكون مناسب جدا لاستخدامها مع الموبايل
--
كوالكوم بقى.. بما إنها شركة عاوضعها شويتين و بتعمل هاردوير ممتاز قالتلك لأ.. الكلام دا مينفعنيش أنا هعمل بصمة 3D
إزاى يا كوالكوم؟
قالتلك هعملها تشتغل بالموجات فوق السمعية (Ultrasound Waves)،
و دى نفس فكرة السونار اللى بيكون عند دكاترة الباطنة و النسا
و دى نفس فكرة السونار اللى بيكون عند دكاترة الباطنة و النسا
طيب ليه يا كوالكوم؟
قالتلك المستشعرات الـCapacitive اللى بتتكلموا عنها دى قدراتها محدودة فى إنها بتقرأ الجزء اللى انت بتحفظه عليها
من البصمة بس؛ و بالتالى لو حطيت على السنسور دا أي جزء تانى مش محفوظ من البصمة
هتتلخبط و مش هتتعرف عليه بدقة كمان لو إيدك عرقانة أو وسخة بصمتك بتبقى شبه بصمة واحد تانى طيب..
إحنا بفى هنعمل مستشعر يصور بصمتك سواء لمست المستشعر بالكامل أو ملمستوش، و سواء كان صباعك ناشف
أو مبلول أو وسخ أو حتى كنت ملغوص بيه فى المجاري
من البصمة بس؛ و بالتالى لو حطيت على السنسور دا أي جزء تانى مش محفوظ من البصمة
هتتلخبط و مش هتتعرف عليه بدقة كمان لو إيدك عرقانة أو وسخة بصمتك بتبقى شبه بصمة واحد تانى طيب..
إحنا بفى هنعمل مستشعر يصور بصمتك سواء لمست المستشعر بالكامل أو ملمستوش، و سواء كان صباعك ناشف
أو مبلول أو وسخ أو حتى كنت ملغوص بيه فى المجاري
كمان التكنولوجيا دى هتمكننا من إننا نتعرف على أدق تفاصيل البصمة و نفدر نتعرف عليها بدقة و كفاءة تامة
كمان ممكن نحط السنسور نفسه تحت أي معدن زي النحاس أو السيراميك أو الألومونيوم أو أي عدن تانى،
و دا هيمكنا من حماية السنسور من الظرف الجوية و من الغباء اللى الناس بتتعاباه على السنسور
و دا هيمكنا من حماية السنسور من الظرف الجوية و من الغباء اللى الناس بتتعاباه على السنسور
--
التكنولوجيا دى اسمها Snapdragon Sense ID 3D Fingerprint
على حد علمى المتواضع يعنى إن المستشعر دا ظهر لأول مرة فى موبايل Le Max Pro،
و هو هو نفس الموبايل اللى استخدموا فيه تشيبست Qualcomm Snapdragon 820 لأول مرة برضو
(كلام فى سرك كدة.. كوالكوم أصلا هى اللى صممت الموبايل دا من الألف للياء تقريبا
و هو هو نفس الموبايل اللى استخدموا فيه تشيبست Qualcomm Snapdragon 820 لأول مرة برضو
(كلام فى سرك كدة.. كوالكوم أصلا هى اللى صممت الموبايل دا من الألف للياء تقريبا
يارب يكون الموضوع فادكم <3
لا يوجد تعليقات
أضف تعليق